سيد صادق
————-
الدنيا قسيت اوي..
وعلينا… اتكت ..
حتي ببان اﻻمل ..
ف وشنا سكت ..
ولجل لقمه عيش ..
الكل بيوطي ..
واللي مفكر انه ..
بالدنيا متغطي ..
نقوله ان الدنيا ..
لو اتبسمت .. بكت .
احنا ف زمن معيوب
ماشي و بالمقلوب
كله مفكر راكب ..
و ف اﻻساس مركوب !!
احنا ف زمن مفضوح
ماشي و من غير روح
اﻻها مالكه الكل ..
طالعه بصوت مبحوح
حتي الدموع ف العين
مش عارفة نازله لمين
والتوهه توهناها ..
ما احنا كمان تايهين
كله انشغل بالقوت
ف الساقية بقي مربوط
البركة قلت راحت ..
و العيشه ليها شروط
معدش فينا عظيم
والرزق ف التقسيم
معدش ليه بيلذ ؟!!
متلغبطه المفاهيم
مدير قسم الادب و الشعر
علا السنجري
